أخواني واخواتي الاعزاء مثل ماتعرفون اقترب شهر الخير وأكيد كلنا نريد نسوي ولو شي بسيط نتقرب بي من الله عز وجل بهالشهر وماكو احب لله من الصدقة ...اخواني انا متأكد انو كلكم اصحاب نفوس طيبة وهمم عالية ربي يحفظكم وكلنا نحب ندخل الفرح والابتسامة لنفوس الاطفال وللعوائل المتعففة الي تعيش بأطراف المحافظة والي بعضهم يعيشون تحت خط الفقر واكو عوائل حتى سقف لبيوتهم ماعدهم شفناهم بالحملة السابقة واطفال يعيشون بظروف صعبة جدا فيااخواني الي يحب يشارك بحملتنا يتبرع بأي شي سواء ملابس او مبلغ مالي او مواد غذائية او اي غرض ممكن يستفاد منه المتعففين يكول انا مشترك وياكم والي يريد يكون متطوع ويانة نوصل المساعدات لهالعوائل اهلا وسهلا بي و الكم الاجر والثواب ان شاء الله هذة عبادة عظيمة ماتضيع بميزان حسناتكم وصلو الخبر لأي شخص يحب يساعد واي احد يعرف عائلة متعففة لايقصر ويكلنا عليهم حتى نوصللهم المساعدات اسرع مايمكن قبل الشهر الفضيل وراح تستمر الحملة لحد العيد.. واول موعد لتسليم المساعدات 8 وشكرا الكم وجعلها الله في ميزان حسناتكم
ليست هناك تعليقات:
إرسال تعليق